نهار الخميس العصر عنيّت " لانـد كـروز "...
جديـدٍ يـعـد أمـيـه وستـيـن طبلـونـه ...
يشّيْـلْ العَجْـلْ لا مقعـد الطايـرة محجـوز ...
ولاينتـظـر للـكـرت حـتـى يجيبـونـه ...
وروحت في ظهـره وعيّنـت سبـع عنـوز ...
جـوازي مـن الـمـا كنـهـم مايذوقـونـه ...
مـع لوّلـهْ سويـت جلسـه وحنـا بــروز ...
كشفنـا مـع أهـل الحـب ســرٍ يكنـونـه ...
وقلنـا لرقـم أثنيـن ياالـجـادل المـفـزوز ...
علامـك علـى عابـر مـع الخـط ترمونـه ...
ونمـرة ثلاثـه قـال سّـرْ عندنـا معـزوز ...
وكــل مابغيـتـوا عنـدنـا باتـلاقـونـه ...
ورقم أربعة قال إنـت عنـدك كـلام لغـوز ...
ولـك قصـد واحـد قـد عرفنـا بمظمونـه ...
وخامس غزيل قـال حبـل الهـوى ممـزوز ...
وكـم غمـر غيـر ياالغبـي رد مـن دونـه ...
وسادس غزالٍ قـال شـف قلبـي المكـزوز ...
ترى ذا مـن أهـل الحـب واللـي يسوونـه ...
وسابـع غـزال الريـم جيتـه وهـو مفلـوز ...
بعيـدٍ مـن أهـلـه وأخـوتـه مايحبـونـه ...
تحدثـت أنـا ويـاه فـي نـشـرةٍ ونـيـوز ...
وأنـا قابـض بيمنـاه والبـاب مـن دونــه ...
حديثه شبيه الجوز ..وأحـلا مـن النرجـوز ...
على أهل الهوى يرمـي رمـاحٍ مـن عيونـه ...
وله خشم كنـه سيـف مسقـول بيـن بـروز ...
مـع شاجـعٍ يهجـم علـى مـن يعـادونـه ...
وله مبسمٍ من به ضمـى يوخـذ منـه كـوز ...
يـداويـه لاعـجـزوا الدكـاتـر يـداوونـه ...
ولـه صـدر فلـه واسعـه والنهـد مركـوز ...
حـرامٍ علـى أصحـاب الهـوى مايدوسونـه ...
كبيرٍ (1) صغيرٍ (2) قاصرٍ (3) عالطوال يفوز ...
هنـي مـن سمـر ويـاه مامـات بغبـونـه ...
تمنيـت أنـا ويـاه ركـاب فــوق بـنـوز ...
نغنـي علـى لصـوات باأبـيـات مفنـونـه ...
لفـك المسجـل ذي علـى بيتـري وفـيـوز ...
وكلمات زايد .. لحن وغنـاء علـي الرونـه ...
لسولـف مـع اللـي عندهـم للهوى تميـوز ...
ودرب الهـوى نعطـيـه حـقـه وقانـونـه ...
ودعتهـم قلبـي وقولـوا حـرز مـحـروز ...
أمانـه .. ومـن يمّـنْ عـرب لايخونـونـه ...
تـرى ذا الحقيقـه لاتقـول الكـلام لـغـوز ...
قد القلـب لـك والعقـل والـروح مرهونـه ...
وبعض الحكى صدقٍ .. وبعض الكلام يجـوز ...
وبعض الحكـى عيبـاً علـى اللـي يقولونـه ...
1_كبير : أي كبير شرع
2_صغير : اي صغير سن
3_قصير : اي قصير قامه